Mae Clare wedi ennill graddau uchel yn gyson tra’n gwneud ei Lefel A yng Ngholeg Glannau Dyfrdwy.
Mae hi bob amser yn meddwl am eraill ac wedi datblygu perthnasau gweithio gwych gyda’i chyfoedion.

Noddir gan Flintshire County Council – Enterprise Centre

Mae Alan wedi gwneud nifer o gyrsiau Celf a Dylunio ac wedi datblygu talent unigryw ar gyfer ffotograffiaeth. Mae’n benderfynol o ddilyn gyrfa yn y maes yma a bydd yn dechrau astudio am radd ym mis Medi.

Noddir gan Seawhite of Brighton

Yn fyfyriwr gydag agwedd gadarnhaol at fywyd ac ymarweddiad cyfeillgar mae Robert wedi cwblhau cyfres o gymwysterau. Mae wedi tyfu mewn hyder yn fawr iawn, ac mae’n gobeithio symud ymlaen i swydd ym mis Medi.

Noddir gan OCR Cymru

Yn hynod frwdfrydig ac ymrwymedig, mae Sara wedi dychwelyd i addysg ar ôl egwyl. Mae’n hunan-gymhelliol ac wedi cynhyrchu gwaith o safon
uchel iawn trwy gydol ei hamser yng Ngholeg Glannau Dyfrdwy. Flwyddyn nesaf bydd hi’n astudio ar gyfer gradd mewn Astudiaethau Amgylcheddol.

Noddir gan Witter Towbars

Er gwaethaf profi anawsterau eleni nid yw George eto wedi methu dyddiad cau nac wedi cynhyrchu gwaith islaw’r safon. Mae ganddo synnwyr
cyffredin da ac mae’n fodel rôl i’w gyd-fyfyrwyr. Mae wedi gosod ei feddwl ar yrfa yn y diwydiant Technoleg Gwybodaeth.

Noddir gan Advanced Moving Solutions

Mae ymdrech, ymrwymiad ac agwedd Natalie wedi bod yn rhagorol tra’n astudio yng Ngholeg Glannau Dyfrdwy. Mae wedi llwyddo i gael rhagoriaethau ym mron pob uned ac mae hi hefyd
ar y ffordd i ennill Gwobr Aur Dug Caeredin.

Noddir gan The Army

Mae Gemma yn fyfyrwraig sy’n mynd y filltir ychwanegol. Rhagorodd ar yr oriau sydd eu hangen i ennill Gwobr Rhagoriaeth Gwirfoddolwyr y Mileniwm ac mae bob amser yn barod i helpu eraill. Yn aelod poblogaidd o’r cwrs, flwyddyn nesaf bydd yn dechrau ar radd dysgu ym Mhrifysgol John Moores Lerpwl.

Noddir gan Lifestyle Fitness

Mae Michael wedi gorfod gweithio yn galetach nag eraill er mwyn ennill ei gymwysterau. Mae wedi dod yn bell ers cyrraedd y Coleg ac mae’n
enghraifft wych o ddyfalbarhad ac ymrwymiad. Arôl gadael mae Mike yn gobeithio defnyddio ei sgiliau trwy weithio ar longau mordaith.

Noddir gan Goldwell

Gweithio’n galed, llon a phositif dyma rai o’r geiriau a ddefnyddia’r tiwtoriaid i ddisgrifio Ailie. Yn bryderus ar ddechrau’r cwrs mae wedi datblygu ei
sgiliau cymdeithasol a hyder. Mae tiwtoriaid y cwrs Arlwyo prif lif yn edrych ymlaen at ei chroesawu ym mis Medi.

Noddir gan Rotary Club of Deeside

Roedd Gareth i fod i gael gyrfa mewn Peirianneg ond cymerodd y penderfyniad dewr i ailhyfforddi.
Nid yw wedi edrych nôl. Diolch i brofiad gwaith mewn bwytai o ansawdd uchel a chymryd rhan
mewn nifer o gystadlaethau mae gan Gareth ddyfodol disglair yn y diwydiant.

Noddir gan Chester Racecourse

Mae Sophie yn fyfyrwraig sydd yn gweithio yn galed ac sy’n boblogaidd gydag aelodau eraill o’r dosbarth
a thiwtoriaid. Yn fam ifanc, mae Sophie wedi llwyddo i ymdopi’n dda gyda nifer o’i hymrwymiadau ac yn cynhyrchu gwaith o safon rhagoriaeth. Ym mis Medi bydd Sophie’n symud ymlaen i addysg uwch ym Mhrifysgol Caer.

Noddir gan Wockhardt Ltd

Mae Belinda yn fyfyrwraig Mynediad y mae pawb yn ei hoffi. Mae’n cefnogi a helpu aelodau eraill o’i dosbarth ac yn benderfynol o symud ymlaen a’i dysgu. Diolch i’w hagwedd a’i ethig gwaith mae’r grŵp cyfan wedi gwella. Bydd Belinda yn dechrau ar gwrs gradd mewn Cymdeithaseg ym mis Medi..

Noddir gan Agored Cymru

Pedair blynedd yn ôl penderfynodd Mark gymryd y cam dewr i fynd i’r afael â’r problemau yr oedd ganddo gyda rhifedd a llythrennedd. Ar y cychwyn roedd yn aelod distaw o’r dosbarth oedd byth yn cymryd rhan mewn gweithgareddau ond erbyn hyn mae ei lefelau hyder wedi codi. Mae nawr yn hyrwyddwr addysg oedolion ac yn annog eraill i wella eu Mathemateg a Saesneg.

Noddir gan John Dale Limited

Mae Demi yn fyfyrwraig ddiymhongar oedd wedi rhyfeddu clywed ei bod wedi ennill y wobr yma. Yn enillydd teilwng, mae wedi mwynhau nifer o
leoliadau llwyddiannus gyda meithrinfeydd lleol. Mae ei hunan-gred wedi tyfu ac mae ar ei ffordd i yrfa yn gweithio gyda phlant.

Noddir gan Little Stars Day Nursery

Yn ddysgwr ffocysedig, hunan-gymhelliol ac ymrwymedig, mae Nathan yn benderfynol o gael gyrfa fel therapydd galwedigaethol. Gan drefnu
profiad gwaith gyda dau fwrdd iechyd lleol, mae wedi datblygu cysylltiadau defnyddiol ar gyfer y dyfodol. Nid yw Nathan byth yn rhoi llai na’i orau ac mae’n cymell eraill yn y dosbarth.

Noddir gan Barchester Health Care

Yn weithiwr ymateb rhanbarthol gyda’r sefydliad elusennol Scope, mae Ian wedi defnyddio’r sgiliau y mae wedi ei ddysgu ar ei brentisiaeth i elwa cannoedd o bobl. Mae’n derbyn y wobr yma am ei agwedd benderfynol a’i wasanaeth cwsmer eithriadol. Mae ei diwtoriaid yn cytuno ei fod yn ysbrydoliaeth i bawb sy’n ei gyfarfod.

Noddir gan Beaufort Park Hotel

Mae Ryan wedi cymryd mantais lawn o’r cyfleoedd a gyflwynwyd iddo ar y cwrs Skill Build. Ar ôl bod yn bryderus iawn ar ddechrau’r cwrs mae wedi
dod yn bell ac wedi mwynhau lleoliad estynedig gyda thîm Ystadau a Chyfleusterau’r Coleg.

Noddir gan Peerless Gas Control

Mae Danielle yn fyfyrwraig sy’n angerddol am anifeiliaid. Gymaint fel ei bod wedi gadael gartref er mwyn dilyn ei chwrs mewn Gofal Anifeiliaid. Yn
ogystal â chynorthwyo a chefnogi eraill yn y grŵp mae’n awyddus am wybodaeth ac wedi ennill rhagoriaethau yn gyson.

Noddir gan Caerwys Veterinary Surgery

Trwy archwilio cyfleoedd y tu allan i’w
hastudiaethau mae Ann wedi datblygu’n Osodwr Blodau addawol. Mae’n frwdfrydig ac ymroddedig i’w chrefft. Yn dilyn profiad gwaith llwyddiannus derbyniodd ganmoliaeth gan un o osodwyr blodau mwyaf enwog y DG.

Noddir gan SL Parry Accountancy Services

Yn Drydanwr uchelgeisiol mae Michael wedi cwblhau ei holl waith i lefel eithriadol. Mae wedi arddangos rhinweddau arweinyddiaeth ar y cwrs
ac mae’n gobeithio cael prentisiaeth gyda chwmni lleol yn y dyfodol agos.

Noddir gan The Hand and Power Tool Centre

Mae Edryd bob amser yn ceisio gwella safon ei waith Saer ac Asiedydd, sydd eisoes yn rhagorol. Mae ganddo ddawn ar gyfer y pwnc ac mae eisiau
mynd ymlaen i wneud cymhwyster crefft uwch.

Noddir gan Huws Gray

Yn brentis blwyddyn gyntaf gyda Airbus mae Robert yn arwain y ffordd mewn cynhyrchu gwaith ymarferol a damcaniaethol o safon eithriadol. Mae
bob amser yn barod i helpu eraill yn ei grŵp ac mae wedi cynrychioli ei gyflogwr ar nifer o brosiectau.

Noddir gan Airbus in the UK

Yn fyfyriwr Lefel A yn wreiddiol, penderfynodd George ail ystyried ei yrfa a dechreuodd y cwrs Perfformio Gweithrediadau Peirianneg. Yn fuan
dangosodd fod ganddo dalent a photensial. Ar ôl creu portffolio rhagorol mae George nawr yn gobeithio ennill prentisiaeth.

Noddir gan Merseyside Metal

Mae David yn brentis Ffabrigo a Weldio gyda’r cwmni lleol DRB. Mae’n enillydd teilwng oherwydd ei waith, agwedd a chwest cyson am berffeithrwydd. Mae ei diwtoriaid yn edrych ymlaen at ei groesawu nôl ym mis Medi fel Prentis
Modern Uwch.

Noddir gan Proweld

Mae Joe yn brentis Trin Cerbydau dymunol, boneddigaidd a llon gyda dyfodol disglair o’i flaen. Fodd bynnag nid fel hyn oedd hi. Mae Joe yn fyfyriwr sydd wedi troi dalen newydd ac wedi cael dechrau newydd. Ar ôl y newid yma dangosodd Joe wir dalent mewn peirianneg a chynhyrchodd waith rhagorol. Mae hefyd wedi annog a helpu’r rhai o’i amgylch.

Noddir gan Snap-on

Myfyriwr Bagloriaeth Cymru y
Flwyddyn
Scott Garwell

Nid yn unig y mae Scott yn Fyfyriwr Bagloriaeth Cymru y Flwyddyn Coleg Glannau Dyfrdwy, llynedd enillodd y
teitl ar gyfer Cymru gyfan. Mae’n fyfyriwr sydd wedi achub ar gyfleoedd gan gymryd rhan mewn tripiau addysgol, prosiectau ymchwil yn ogystal â bod yn
Llywodraethwr ac yn Llywydd y Myfyrwyr.

Noddir gan WJEC

Mae Jack yn fyfyriwr yn ysgol uwchradd Cei Conna ac mae wedi mynychu Coleg Glannau Dyfrdwy fel rhan o fenter Llwybrau Dysgu yn y Gweithle 14-19 Llywodraeth Cynulliad Cymru a SEMTA. Mae’n ymdrin â phroblemau yn gadarnhaol, rhesymegol a threfnus. Mae gan Jack yrfa addawol o’i flaen yn y diwydiant Peirianneg.

Noddir gan Flintshire 14-19 Learning Network

Ers dod i Goleg Glannau Dyfrdwy mae Natalie wedi datblygu. Mae wedi cynrychioli’r coleg mewn cyfarfod gydag Aelodau o’r Cynulliad ac wedi
teithio i Gaerdydd ar nifer o achlysuron. Ym mis Medi bydd Natalie yn cofrestru ar y cwrs Blodeuwriaeth prif lif – cyflawniad anhygoel.

Noddir gan John Dale Limited

Mae Sheila yn fyfyriwr aeddfed a benderfynodd ddysgu Cymraeg gan fod ganddi gywilydd nad oedd yn gallu siarad yr iaith. Mae’n llawn egni ac yn dod a’r gorau allan o aelodau eraill o’r dosbarth. Mae Sheila yn defnyddio ei sgiliau newydd drwy helpu ei wyrion a’i wyresau gyda’u gwaith cartref Cymraeg.

Noddir gan Welsh for Adults – North Wales Centre

Mae gan Jasmin, sy’n fyfyrwraig ysgoloriaeth, yrfa pêldroed addawol o’i blaen. Mae’n aelod allweddol o’r sgwad Gymreig ac wedi bod yn ddylanwadol yn llwyddiant tîm pêl-droed merched y coleg. Er gwaethaf hyfforddi rhan fwyaf o nosweithiau’r wythnos mae ei gwaith cwrs o safon uchel ac yn cael ei gyflwyno ar amser.

Noddir gan Queensferry Sports